關於

 大家好,我係小卡,歡迎大家嚟到「小卡遊香港」。

小卡的故事

土生土長嘅香港90後,中意玩,更中意食!細個嘅時候就算讀書幾攰,只要有美食,食完立即滿血復活!喺芸芸美食當中,小卡最愛嘅就係生蠔…當然刺身都唔錯…碗仔翅都係一個不錯的選擇。就算去旅行,小卡的第一目標都是當地美食。

你的下一個旅遊目的地?

同好多香港人一樣,小卡都好鍾意去日本旅行,去掃街,日以繼夜咁食,最誇張嘅一次,去完日本返嚟重左10磅。出嚟工作一年之後,小卡打算挑戰一次自己一個人嘅旅行,本身諗住去沖繩,但經朋友介紹後,最終目的地定為菲律賓,主要希望嘗試自己一個人去旅行嘅感覺,亦都希望可以感受菲律賓嘅文化,喺菲律賓14日嘅行程入面,當中有五日入住當地人嘅屋企,跟住佢哋一齊食、玩、訓,小卡相信無論做幾多旅遊攻略,都好難可以做到同當地人帶住你周圍一齊玩咁,咁深入地感受當地文化。如果香港係你下一個旅遊目的地,小卡希望你可以在這裏獲得更多香港旅遊行程安排的靈感。

「世界很大,我想去看看」

相信這一句說出不少人的心聲。小卡去菲律賓有幸得到當地人的熱心介紹,體驗到菲律賓的地道文化,在這「一人、一書、一背包」的旅途中,小卡終於有時間沉澱下來,透過書本的啟發,與自我對話,在異國好好探索自己,再從新出發。

作為土生土長嘅香港人,小卡亦都想透過此網站俾大家了解更多香港本地文化,俾各位有興趣嚟香港旅行,除咗感受香港繁華一面,仲可以嘗試緊貼香港人生活模式嘅旅行。希望透過呢個網站嘅分享,大家可以更深入感受香港地道文化,深度遊香港之餘,能有機會靜下來在陌生的環境,好好感受一場與自己內心的旅行。如果你有任何問題或需要任何協助,請在底下留言,小卡會非常樂意幫助你。

祝一切順利,
小卡

HKtravelka